"Kay FPJ ang Agosto 20" Ngayo'y kaarawan ng isang Alamat/
Pinilakang-Tabing kahariang hawak/ Fernando Poe, Jr. ang dalang
pangarap/ Mga inaapi'y iahon sa lusak.// Pinanday ng Sining ang katauhan
mo/ Na nagsilbing gabay sa maraming tao/ Mga tagahangang ikaw ang
idolo/ FPJ, bida ka, bilib kami sa 'yo.// Hindi nga totoo na ika'y
pumanaw/ Kahit nawala ka sa mundong ibabaw/ Naiwang pamana ay
napakalinaw/ Katarungan lagi ang isinisigaw.// Sandatang pinanday, aming
gagamitin/ Laban sa halimaw na dapat
supilin/ Ipagpapatuloy ang iyong layunin/ Buhay-pelikula ay
tototohanin.// Hindi kailanman ikaw napataob/ Dahil ang tumalo ngayo'y
nakasubsob/ Ang mga bathala, sa 'yo nakalukob/ At nanatili kang mababa
ang loob.// Ipagpapatuloy laban ng Alamat/ Mahika mong hawak minana ng
anak/ Sana'y ipangako na maiaangat/ Bayang hindi sanay sa daang
pabagsak./// (Tula-tulaan ni FrankG.Rivera.)
No comments:
Post a Comment